Home ÀKỌ̀TUN Àwọn ọ̀tẹlẹ̀múyẹ́ n wá Ajagun-fẹ̀yìntì Ọlawunmi, Àṣírí àwọn èèyàn nla tó n ṣàtìlẹyìn fún Boko Haram ló tú o
ÀKỌ̀TUN - orisiirisii - Orisirisi - 3 weeks ago

Àwọn ọ̀tẹlẹ̀múyẹ́ n wá Ajagun-fẹ̀yìntì Ọlawunmi, Àṣírí àwọn èèyàn nla tó n ṣàtìlẹyìn fún Boko Haram ló tú o

Àwọn ọ̀tẹlẹ̀múyẹ́ n wá Ajagun-fẹ̀yìntì Ọlawunmi, Àṣírí àwọn èèyàn nla tó n ṣàtìlẹyìn fún Boko Haram ló tú o

Ọrẹ Òtítọ́jù

Hun hún! òwúyẹ́, a sòro ó sọ bí ọ̀rọ̀. Ó lágbára o.À fi kí Ọlọ́run Ọba dá sí ọ̀rọ̀ Orílẹ̀ yìí .
Àwọn ọ̀tẹlẹ̀múyẹ́ iléeṣẹ́ ológun ilẹ̀ ẹ wa, Defence Intelligence Agency ti kéde pé kí Ajagun-fẹ̀yìntì Kúnlé Ọláwùnmí yọjú sáwọn láì sọsẹ̀ lọ́jọ́ Ìṣẹ́gun, kò sì gbọdọ̀ gbàgbé ìwé ìrìnnà kárí-ayé e rẹ̀ sílé o, wọ́n lóun àti ìwé náá ni kí wọ́n jọ dé ọ́fíìsì àwọn l’Abuja, àwọn fẹ́ẹ́ bèèrè ọ̀rọ̀ lọ́wọ́ ọ rẹ̀ látàrí àwọn ọ̀rọ̀ àṣírí kan tí wọ́n lọ́kùnrin ọ̀hún sọ fáyé gbọ́ láàrin ọ̀sẹ̀ yìí.

Lasiko ifọrọwanilẹnuwo kan ti wọn ṣe fun Navy Commodore Kunle Ọlawunmi (Retired), to ti figba kan jẹ ọga pata fawọn ọmọ-ogun ori omi ilẹ wa, nileeṣẹ tẹlifiṣan Channels ni wọn lọkunrin naa ti fẹnu kọ, wọn lo tu aṣiri pe alabosi nijọba Buhari, abosi nla nijọba naa n ṣe, tori ọpọ iṣẹ iwadii ti wọn ti ṣe nipa eto aabo to mẹhẹ paapaa lapa ilẹ Hausa lo fihan pe awọn ọtọọkulu ati oloṣelu nla nla kan lo mori mu, ti wọn n kona mọ iwakiwa awọn afẹmiṣofo naa labẹnu.

Ọkunrin naa tun sọ pe ko si eyi ti Aarẹ Muhammadu Buhari ko mọ ninu wọn, gbogbo wọn niṣẹ iwadii awọn ọtẹlẹmuyẹ ti gbe jade, ti wọn si ti forukọ wọn ṣọwọ si Aarẹ, ṣugbọn ọwọ yọbọkẹ nijọba fi mu ọrọ ọhun, niṣe lo gboju ṣẹgbẹẹ kan lori ọrọ wọn, eyi lo si fa a to jẹ kaka ki ewe agbọn dẹ, niṣe lọrọ awọn eeṣin o kọku naa n le koko si i.

Aṣiri mi-in ti wọn tun tori ẹ fẹẹ mu Kunle si ni bi wọn ṣe lo sọ ninu ifọrọwanilẹnuwo naa pe: “Ejo lọwọ ninu ni o, bi wọn ṣe lọọ sakọlu si ileewe ẹkọṣẹ oloogun (Nigerian Defence Academy), ti wọn si mu un jẹ yii, o ni bo ṣe jẹ ni, tori iru nnkan bayii ko le ṣadeede waye.

Ṣugbọn mo ranti nigba kan ti mo n ṣiṣẹ iwadii ati ọtẹlẹmuyẹ kan, mo ranti pe wọn ki i pa ilẹkun geeti awọn ileeṣẹ ologun de lọjọ Ẹti, Furaidee, kawọn ologun ti wọn fẹẹ lọọ kirun Jumat, ero n lọ, wọn n bọ ni, lọpọ ọjọ Furaidee, o si ti wa bẹẹ tipẹ. Ibi tawọn eeyankeeyan naa gba wọle si wọn lara niyẹn, ibẹ ni wọn ti mọ aṣiri wa ti wọn fi raaye ṣe iru ọṣẹ nla bẹẹ.’’

Wọn ni Kunle tun sọ pe: “Mo sọ fun Ọgagun Oloniṣakin nigba kan pe bi ina ko ba l’awo, ko le jo goke odo, pe iṣoro awọn afẹmiṣofo yii ko jọra pẹlu tawọn ajijangbara Naija-Delta. Mo ni koko ọrọ to wa nidii iwa buruku awọn Boko Haram ni ti awọn to n ṣe onigbọwọ wọn, lara wọn si wa ninu awọn to n ba Buhari ṣejọba yii. Awọn ni wọn n pe ole waa ja, ti wọn si n pe oloko lati waa mu un. Laiṣe pe Buhari ba ṣetan lati ṣiṣẹ lori awọn agbẹyin-bẹbọjẹ wọnyi, ina iwa ibi yii ko le ku. Ṣugbọn ko jọ pe Buhari fẹẹ ṣiṣẹ lori wọn, tori o mọ wọn, awọn eeyan nla nla ni wọn.”

Olobo kan to ta awọn oniroyin fihan pe ọrọ yii ti da ọpọ họu-họu silẹ nileeṣẹ Aarẹ ati ileeṣẹ ologun ilẹ wa, wọn si ti pinnu lati fi pampẹ ofin gbe Kunle, ki wọn si gbẹsẹ le pasipọọtu rẹ pẹlu.

Laipẹ yii ni wọn mu awọn oṣiṣẹ ileeṣẹ Channels tẹlifiṣan to kopa ninu ifọrọwanilẹnuwo naa lọọ sileeṣẹ ọtẹlẹmuyẹ, ki wọn too fi wọn silẹ lọjọ keji.

Leave a Reply

Your email address will not be published. Required fields are marked *

Check Also

IPOB láwọn ò fẹ́ àbẹ̀wò Ààrẹ Buhari sí ìpínlẹ̀ Imo

IPOB láwọn ò fẹ́ àbẹ̀wò Ààrẹ Buhari sí ìpínlẹ̀ Imo Fẹ́mi Akínṣọlá Ọ̀fọ́n àn tọ̀ sí gbẹ̀gìr…