Home ÀKỌ̀TUN Olusegun Obasanjo àti Sheikh Gumi jókóò pọ̀ lórí ètò àbò Orílẹ̀ yìí tó mẹ́hẹ
ÀKỌ̀TUN - orisiirisii - Orisirisi - April 5, 2021

Olusegun Obasanjo àti Sheikh Gumi jókóò pọ̀ lórí ètò àbò Orílẹ̀ yìí tó mẹ́hẹ

Olusegun Obasanjo àti Sheikh Gumi jókóò pọ̀ lórí ètò àbò Orílẹ̀ yìí tó mẹ́hẹ

Ọrẹ Òtítọ́jù

Àwọn àgbà orílẹ̀ yìí méjì kan sànkò sànkò ,tí kò fẹ́ kí òwe báyé bá tojú àgbà bàjẹ́,ó ṣẹ mọ́ àwọn lára ti bẹ̀rẹ̀ ìgbésẹ̀ kó mọ́ bàjẹ́,kó mọ́ bàjẹ́ laájò àgbà, pé ọmọ onílùú àwọn kó níí yajú sílẹ̀ kí ìlú tú. Ààrẹ Nàìjíríà tẹ́lẹ̀, Olusegun Obasanjo àti gbajúgbajà ẹlẹ́sìn Mùsùlùmí Sheikh Ahmad Gumi ti ké sí ìjọba ápapọ̀ orílẹ̀ yìí láti ṣe àgbékalẹ̀ ilé ẹjọ́ pàtàkì tí yóò máa gbọ́ ẹjọ́ àwọn jàndùkú, àwọn ajínigbé àtàwọn tó n lo ìbọn láì gba àṣẹ.

Wọn tun sọ pe ki ijọba ṣe atunsẹ igbeaye awọn ọdaran ti wọn ba ronupiwada, ki wọn si fun wọn ni ẹkọ ati iṣẹ ti wọn yoo maa ṣe dipo iwa ọdaran.

Obasanjo ati Gumi lo fi ọrọ naa lede ninu atẹjade ti awọn mejeji buwọlu lẹyin ipade ti wọn ṣe nile Obasanjo to wa niluu Abeokuta.

Ninu atẹjade naa to ni koko mọkanlelogun ni wọn tun ti rọ ijọba apapọ lati fi ọrọ eto abo Naijiria to mẹhẹ to ajọ ilẹ Áfíríkà leti iyẹn, ECOWAS.

Obasanjo ki Gumi fun akitiyan rẹ lori eto abo loke ọya, bẹẹ naa ni Gumi gbe oṣuba kànkà fun Aarẹ tẹlẹri ọhun fun awọn ipa to ti sa sẹyin ki Naijiria le goke agba.

Bakan naa ni wọn tun gba ijọba ni imọran lati maa daabo bo ẹ̀mí awọn to ba n fi ọrọ awọn janduku naa to ijọba leti, ko si tun maa ṣe iwuri fun wọn.

Lara awọn koko naa ni “ki ijọba fi iya to tọ jẹ awọn ọdaju ọdaran, ko ma si fi oju aanu wo gbogbo awọn to n gbe ibọn kiri lai gba aṣẹ to yẹ.”

“Ki ijọba tun ṣe agbekalẹ awọn ile ẹjọ pataki ti yoo maa gbọ ẹjọ awọn janduku, ajinigbe, awọn to n gba owo itusilẹ lọwọ ẹbi awọn ti wọn ji gbe, atawọn to n gbe ibọn kiri lọna aitọ.”

Atẹjade naa pari pẹlu imọran pe ojuṣe gbogbo ọmọ Naijiria ni eto abo jẹ.

Lẹyin naa lo ni awọn memeji ti fẹnuko lati wa ọna abayọ si eto abo Naijiria to mẹhẹ, ati pe Sheik Gumi ti fi iwe pe Obasanjo lati bẹ ilu Kaduna wo lati tẹsiwaju ninu ijiroro wọn.

Leave a Reply

Your email address will not be published. Required fields are marked *

Check Also

Èèmọ̀ wọ̀lú! Adigunjalè ya bo Aso Rock l’Abuja

Èèmọ̀ wọ̀lú! Adigunjalè ya bo Aso Rock l’Abuja Yínká Àlàbí Olu ilu orileede Naijiria ni Ab…