Tambuwal ké gbàjarè lórí Covid 19 ní Sokoto

Tambuwal ké gbàjarè lórí Covid 19 ní Sokoto

Fẹ́mi Akínṣọlá

Egbìnrìn ọ̀tẹ̀ bá a se ń pà kan, lòmíì
Gómìnà Aminu Tambuwal tó ń tukọ̀ Ìpínlẹ Sokoto ti ke gbàjarè síta lórí iye àwọn ènìyàn ìpínlẹ̀ rẹ̀ tó ń lùgbàdi àjàkálẹ̀ àrùn kòrónáfairọ̀ọ̀sì báyìí.

Ó ní láti ọjọ́ Àìkú ni wọ́n ti ń lé síi ní èyí tó n kọ òun lóminú.

Báyìí, ó ti kéde òfin kónílé-ó-gbélé láti aago mẹ́jọ sí aago mẹ́fà ìdájí.

Bákan náà ló tún rọ àwọn ènìyàn rẹ̀ láti túbọ̀ ní ìmọ́tótó dáadáa lásìkò yìí pẹ̀lú títa kété síra ẹni

Tambuwal rọ ìjọba àpapọ̀ láti dìde sí ìrànlọ́wọ́ Sokoto lórí ohun èèlò àyẹ̀wò, ki ìtànkálẹ̀ àrùn náà le dínkù.

Báyìí, ó ti di èèyàn mẹ́rìndínláàdọ́rin tó ti ní àrùn apinni léèmí Kofi 19.