Home ÀKỌ̀TUN Ikú tún wọ Aso Rock! Ẹ̀ṣọ́ Ààrẹ Buhari d’olóògbé lẹ́yìn ikú Abba Kyari
ÀKỌ̀TUN - orisiirisii - Orisirisi - April 24, 2020

Ikú tún wọ Aso Rock! Ẹ̀ṣọ́ Ààrẹ Buhari d’olóògbé lẹ́yìn ikú Abba Kyari

Ikú tún wọ Aso Rock! Ẹ̀ṣọ́ Ààrẹ Buhari d’olóògbé lẹ́yìn ikú Abba Kyari

Fẹ́mi Akínṣọlá

Ẹ̀ṣọ́ ààrẹ Buhari d’olóògbé lẹ́yìn ikú Abba Kyari

Ikú tún ṣe bẹ́ẹ̀ wọ Aso Rock! Ọ̀kan lára àwọn ẹ̀ṣọ́ Ààrẹ Muhammadu Buhari ti d’olóògbé.

Lawal Mato niIléeṣẹ́ Ààrẹ kéde pé ó jáde láyé lẹ́yìn tó ti ní àrùn ìtọ̀ ṣúgà f’ọ́dún mẹ́ta.

Olùdámọ̀ràn Ààrẹ lórí ọ̀rọ̀ Ìròyìn, Garba Shehu ṣàlàyé nínú àtẹjáde tó fi síta pé

Mato tó jẹ́ ọmọogun tí ń bá Ààrẹ Buhari ṣiṣẹ́ ṣaájú ọjọ́ tí Buhari wọlé ìbò Ààrẹ lọ́dún 2015.

Buhari sàpèjúwe rẹ̀ gẹ́gẹ́ bí i ọmọogun tó ṣe fi ọkàn tán.

Ààrẹ Buhari gbàdúrà pé kí Ọlọ́run tẹ́ Mato sí afẹ́fẹ́ rere kí Ó sì dúró ti ẹbí rẹ̀ tó fi sílẹ̀.

òpin ọ̀sẹ̀ tó kọjá ní coronavirus ṣekúpa olórí àwọn òṣìṣẹ́ niIléeṣẹ́ Ààrẹ, Abba Kyari.

Ìpínlẹ Ogun tú ẹlẹwọn mọkàndínláàdọta ó lé ní igba sílẹ

Fẹ́mi Akínṣọlá

Ẹlẹ́wọ̀n mọkàndínláàdọta lé ní igba (249) gba òmìnira kúrò ní ọgbà ẹ̀wọ̀n márùn ún ní ìpínlẹ̀ Ògùn láti dènà ìtànkálẹ̀ àrùn apinni léèmí Coronavirus.

Olóòtú ètò Ìdájọ́ ní Ìpínlẹ Ògùn, Adájọ́ Mosunmola Dipeolu ló fi èyí léde lásìkò tó ṣe àbẹ̀wò sí àwọn ọgbà ẹ̀wọ̀n tó wà ní ìpínlẹ̀ náà.

Dipeolu ní àṣẹ ìjọba àpapọ̀ nipé kí wọ́n dín àwọn ènìyàn kú ní ọgbà ẹ̀wọ̀n, kí ìtànkálẹ̀ àrùn apinni léèmí Coronavirus má baà wọ ààrin wọn.

Ó pe àwọn tí wọ́n fi sílẹ̀ náà jẹ́ ọkùnrin àti obìnrin tí wọ́n jẹ̀bi ẹ̀sùn olè jíjà, fífọ́lé onílé, ifiyajẹni ati awọn ẹsun kekeeke ti wọn fi kan wọn.

Bẹ́ẹ̀ ló pàrọwà sí àwọn ẹlẹ́wọ́n tí wọ́n gba ìtúsílẹ̀ náà láti rí pé wọn kò padà sí ìdí ìwà ìbàjẹ́ mọ́ àti wí pé wọ́n gbọdọ̀ wúlò fún ara wọn àti orílẹ̀-èdè Nàìjíríà.

Leave a Reply

Your email address will not be published. Required fields are marked *

Check Also

Ìyá Rainbow ṣọjóòbí, ó ní ẹ̀bẹ̀ pàtàkì kan lòun n bẹ Ọlọ́run

Ìyá Rainbow ṣọjóòbí, ó ní ẹ̀bẹ̀ pàtàkì kan lòun n bẹ Ọlọ́run Ọrẹ Òtítọ́jù Ayẹyẹ ọjọ́ọ̀bì à…