Home ÀKỌ̀TUN Ó di láyéláyé pọngbá ! Àlàbí Yellow ,àgbà òṣèré re’bi àgbà á rè
ÀKỌ̀TUN - orisiirisii - Orisirisi - December 23, 2019

Ó di láyéláyé pọngbá ! Àlàbí Yellow ,àgbà òṣèré re’bi àgbà á rè

Ó di láéláé pọngbá ! Àlàbí Yellow ,àgbà òṣèré re’bi àgbà á rè

Fẹ́mi Akínṣọlá

Gbajúgbajà òṣèré Samuel Akinpẹlu tí gbogbo ènìyàn mọ̀ sí Àlàbí Yellow ti jẹ́ Ẹlẹ́dàá nípè.

Akọni tí à ń perí yìí jẹ́ òṣèré tí àwọn èèyàn kò leè gbàgbé , fún irú ipa tó máa ń kó nínú eré sinimá àgbéléwò lórílẹ̀-èdè Nàìjíríà.

Nígbà tí ó ń bá akọ̀ròyìn sọ̀rọ̀ Ààrẹ ẹgbẹ́ àwọn òṣèré,TAMPAN, Bolaji Amusan, Mr Latin fìdí ọ̀rọ̀ náà múlẹ̀ tó sì ní àdánù ńlá ni ikú Àlàbí Yellow jẹ́ lágbo òṣèré

Nílé rẹ̀ tó wà ní Ikorodu ni Àlàbí Yellow dákẹ́ sí ní òwúrọ̀ ọjọ́ Àìkú lẹ́yìn àìsàn tó ti fi ìgbà díẹ̀ dè é mọ́lẹ̀.

Latin ṣàlàyé pé òun ti ní kí Alága ẹgbẹ́ TAMPAN tó wà ní Ikorodu lọ tojú sí mọ̀lẹ́bí olóògbé.

Sinimá tó kópa kẹ́yìn nínú rẹ̀ ni Mọkálíìkì tí Kunle Afolayan darí rẹ̀

Àìlera ti ń bá Àlàbí Yellow fínra fún ìgbà díẹ̀ kí ó tó wá di pé ó jawàá lẹ̀ ní òwúrọ̀ ọjọ́ Àìkú.

Leave a Reply

Your email address will not be published. Required fields are marked *

Check Also

Ilé ẹjọ́ tú el-zakzaky àti ìyàwó rẹ̀ sílẹ̀

Ilé ẹjọ́ tú el-zakzaky àti ìyàwó rẹ̀ sílẹ̀ Fẹ́mi Akínṣọlá Ajá tó relé ẹkùn tó bọ̀,ó tọ́ kí…