Lai Mohammed dojú kọ igbó Sambisa

KÌÍ BÁ NI KÁ ẸRÍ:
Lai Mohammed dojú kọ igbó Sambisa
.Ezekwezili ní Sambisa tóbi tó Ìpínlẹ̀ Eko lọ́nà méjìdínlógún 

Gege bii awon akoni meje to lo sinu Igbo Olodumare  ninu iwe DO FAGUNWA ti akole  re n je ‘Ogboju Ode ninu Igbo Irunmole’,
Minisita fun Oro Iroyin ati Asa, Alhaji Lai Mohammed, se abewo nla si inu Igbo Sambisa, ni Ipinle Bornu, lose to koja.
Inu igbo alai-latopin naa ni awon alakatakiti Boko Haram sa pamo si,  ti won  si n tibe da awon soja Naijeria ati awon eniyan loro.
Teletele ko si  eni to le sun mo igbo naa, latari bi awon Boko Haram se n jaye alabaka nibe.
Inu igbo naa ni a  gbo pe won ko awon omo Chibok Girls si, iyen awon onobinrin ile iwe ti won ji gbe lo.
Sugbon nigba ti Buhari dori aleefa awon soja Naijiria ti gba agbara sii.
Won doju ija  nla ko awon Boko Haram, debi pe won lo kogun ba won  ni Sambisa.
Leyin ti  Sambisa bo sowo Naijiria tan ni awon ajajagbara fun awon omo Chibok Girls to ku so  pe o di dandan ki ijoba wa awon omo naa lo sinu Igbo naa.
Ede aiyede koko waye nigba ti awon ajajagbara naa ti a mo si Bring Back our Girls Group so pe  awon  naa fe  lo sinu Igbo naa.
Ni igbeyin gbeyin ijoba apapo gba  lati mu lo lara  awon eniyan naa.
Lara awon to lo ni Alhaji Lai Mohammed ati Iyaafin Oby Ezekwezili, to je oga awon ajajagbara naa ati awon  oga ologun.
Nigba ti won de, won royin ohun ti oju won ri lohun-un.
Inu minisita naa  dun pe awon loo re, awon si bo layo.
O ni irinajo naa fihan pe loooto ni pe Sambisa ti bo si Naijiria lowo pada.
Ni ti  Ezekwezili,  o ni igbo Sambisa tobi debi pe titobi re to Ipinle Eko ni ilopo mejidinlogun.